في فلم هندي نازل على نتفلكس عامل ضجه اعلاميه كبيره في الخليج وتحديداً السعوديه 


الفلم اسمه حياه الماعز life goat بحكي عن قصة عامل هندي سافر لاحدى دول الخليج يشتغل فيها عام ١٩٩٠ وهي قصة حقيقيه.

القصه مأخوده من روايه اسمها ايام الماعز ل مؤلف هندي اسمه بينيامين والغلط اللي صار انه احداث الفلم لم تكن مثل ماكتب في الرواية


انا حضرت الفلم وقرأت الروايه وهي مترجمه للعربيه والفلم مختلف عن الروايه تماماً.

الرواية بتقول انه هندي اسمه نجيب سافر للسعوديه ولما وصل راح بالغلط مع شخص سعودي فكره عامل جاي عنده

واخذه لنص الصحراء يشتغل ب راعي اغنام وضله معاه خمس سنين يشتغل بالسخره يعني بدون راتب 

وهالشي زعل الهندي ف قام بالاخير وقتل الكفيل.



ولما نمسك وعرفت الناس بقصته انحكم عليه اعدام بس بعدين تدخلو الناس ولمو اهل الخير الفديه واهل الميت اولاده سامحوه للهندي لانهم كانو عارفين ابوهم ظلم الهندي خمس سنين بدون راتب واعطوه فلوس الفديه كنوع من التعويض النفسي اله


ونجيب رجع الهند مع الفلوس ورجع بعدها سافر ل دبي عام ٢٠٠٥..والرواية انكتبت عام ٢٠٠٨


الفلم ماحكي هيك تفاصيل 

الفلم كان فيه اساءه واضحه للجنس العربي ف بداية الفلم بحكي انه العرب اصحاب رائحه مليئه بالبول والعرق 

وغير اشياء ثانيه مخجله 

وطبعا لم يخلو الفلم من الهربجات الهنديه حيث صور ان نجيب هرب عبر الصحراء لمده ٣ ايام بدون مي وغذاء وانقرص من افاعي سامه وضلو عايش يمشي حافي في صحراء الربع الخالي لحد ماوصل للمدينه.

اوووف والله لو انه سوبر مان كان صابه فشل كلوي بس من الجفاف ومات.


المشكله انه الناس كيفت على الفلم لتصفيه حساباتها مع السعوديه ودول الخليج بس نسيت انه هيك فلم اساء للجنس العربي بشكل عام لانه الغرب ماراح يميز بين سعودي ولا اردني ولا مصري..احنا كلنا عندهم اسمنا عرب.

بعدين احنا هون عنا بالاردن كم خدامه انضربت وانهانت وماتت بسبب تعامل اللي بشغلوها عندهم..هل يعني انه الشعب الاردني كله هيك؟؟؟


ف عزيزي الفلم اساء لنا ولعاداتنا ودينا وجنسنا ف لا تكيف عليه وتصير تسب دول عربيه عشان تصرفات فرديه صارت زمان.


النهفه انه مخرج الفلم بقول انا لم اقصد الاساءه لدوله بل انا اردت ان اظهر للعالم المعاناة التي تعانيها البشريه...


طيب يابو بشريه انت 

تعال خذلك نظره واعمل فلم على الناس اللي بتموت يومي وشايفينهم كل يوم بس ماحدى فيكو محرك ساكن ولا قادرين تفتحو ثمكم معهم.

ولا هي عندكو على كيفكم ؟؟


حياة الماعز

كتبها .. بهاء الرضاونه