-ايه الموقف اللي حصلك من فترة قريبة في الطيارة وكان هيكـ. ـرهك في ركوب الطيارات ؟؟



=اااه ده السنة اللي فاتت .. مفيش كنت مسافر لبلد شقيق وطلعت الطيارة وبعد ساعة خلاص بقى نسيت الخوف من الطيران ومطمن عادي بقى ، بعد ساعة حصل خلل في الطيارة فالكابتن المفروض بيقول للناس عشان يفهمهم ايه الحكاية فلقيته مشكورا بيقول "يا جماعة حصل انهيار في المحرك الأيمن" ، فشوف بقى تأثير كلمة انهيار دي علينا يا نهار اسـ. ـود ، وبعدين لقيت المضيفات كلهم بيجروا ، دايما كانت أول حاجة بطمن منها وش المضيفات فلقيتهم قلقانين وبيجروا ومبيردوش على حد يا جماعة ايه اللي حصل وهتعملوا ايه محدش بيرد علينا .. وقفت واتوترت جدا وخفت فلقيت واحد يبدو ان هو ظابط أمن في الطيارة وبشوش كده فقلت بس هو ده اللي هيطمني لقيته عارفني وجاي عليا وراح مطلع من جيبه ورقة اداهاني وهو مبتسم وقالي "اتفضل يا أستاذ محمد" ، فقلتله "ايه ده ؟!" ..

قالي : دي سورة يس اقرأها عشان تبقى حسن الخاتمة