فيلم صعب جدا جدا جدا، ومؤلم جدا جدا، ومرهق جدا جدا، طوال ثلاث ساعات الا ربع وأنا بقول لنفسي امتى يخلص، الفيلم تحفة فنية طبعا بكل المقاييس، ومن دلوقتي نقدر نتوقعله بثقة ٣ أو ٤ جوائز أوسكار في مارس الجاي، والفيلم معتقدش انه بيتكلم عن "مارلين مونرو" نفسها، ولا مشغول بالحكم عليها وهل هي ملاك أو شيطان، الفيلم عبارة عن حمولة نفسية هائلة من العذاب المرتبط بالصدمات Trauma، والاساءة Abuse، والانتهاك والاستباحة التامة، واللي ممكن ناس كتير مننا أو ناس كتير نعرفها اتعرضولها بأشكال مختلفة، والفيلم بيحاول يلقي الضوء عليها، لعلها تلمس قلوب آخرين في الترفق بشخص أو بآخر، قبل ما يلقى مصير قاسي زي مونرو، أو مصير مختلف لكنه لا يقل عذاب. فيلم Blonde (وتم اختيار كلمة "شقراء" بمفردتها النكرة، لم يطلق على الفيلم اسم مارلين مونرو، ولم يطلق عليه اسم "الشقراء"، فقط وصف لأي شخص بيعلبه المجتمع في شكله، مجرد Label) هايثير مناقشات طويلة جدا، وهايحرك مياه كتير جدا، ولفترة مش قليلة، لأنه لامس كذا ملف بداية من الصحة النفسية، التحرش وأشياء قريبة جدا من حملة MeToo، اساءة معاملة السيدات والاطفال، تسليع وتشيئ الجسد الإنساني (وليس جسد المرأة فقط)، ومواضيع كثيرة أخرى.

محتاج فعلا شوية Processing للفيلم، وأكتبلكم عنه تاني وتالت ورابع.