"بتصدق احساسك؟"


بالفترة الأخيرة مرقت بكتير مواقف ما كنت عم افهم مغزاها أو الهدف منها غير وجع القلب والحزن الغير مُبرر ..

 

الحقيقة إنو بعد ما مضي الوقت عرفت إنو الهدف الوحيد من كلشي مرقت فيه إني اتعلم " صدّق إحساسي "


أحياناً بكون صعب على الشخص تصديق إحساسو بسبب عدد كبير من العوامل المنطقية والملموسة  

مُقارنةً "بالإحساس" يلي مافيه أي شكل ملموس تقدر تقنع فيه شخص أو حتى تقنع فيه ذاتك بلحظات المواجهة 


بس صدّقني أصعب شعور ممكن تمرق فيه هو إنك تكذّب إحساسك الصادق  

خاصّة بالنهاية وقت تتأكد من صحّة إحساسك !


بالحياة في عدد كبير من الناس المُريبة والمسببة للحيرة يلي ما بتعرف إحساسك ناحيتهم ولا بتعرف شعورهم إتجاهك 


بس الأكيد أنو الناس الصح موجودين ..

الناس السهلة اللينة الواضحة الصريحة ..

الناس يلي بتريّح "احساسك" من أول نظرة ..

والراحة بتزيد معهم يوم بعد يوم ..


الناس يلي ما بتخاف معهم من الغدر والخيانة وتقلّب الرأي .

لسا في ناس قلوبها صافية وبتحارب بالدنيا حتى تبقى نضيفة و بيسكنو القلب من غير حسابات


"احساسك" بيرتحلهم وبيدخلو قلبك يعيشو جواتو بدون مُنازع 

قليلين .. لا قليلين كتير .. بس موجودين 

واحد منهم بيكفي .. بيكفي كتير .