اليوم النجمة فرح بسيسو كانت ضيفة رابعة ببرنامج شو القصة.. 

-بتوتر من المقابلات لأنو كانت أغلب المقابلات مكتوبة والمقابلة تطلع شي تاني ومؤذية وأنو إذا مافي شي جديد احكي عنو فمالها داعي 

-غبت ٨ سنوات عن الدراما و رجعت فرح تانية تماماً ومختلفة طبعاً في قيم ومبادئ مابحيد عنها بس رجعت وأنا زاهدة أكتر إذا شتغلت ولاماشتغلت ماعد فرقت معي .

-زمان كنت أزعل إذا حدا جرحني بكلمة إرجع واتضايق هلا عادي صار عندي مناعة ومابهمني 

-الديڤا بوسطنا الفني أنو شوف حالي عالعالم أنو اتفلسف عالكل والكل ينطرني لاشرب نسكافيه ومابتحاكا وبنطر الكل لتروق الديفا وأكيد هالشي مو صح مو هيك بفرض احترامي أنا بفرض احترامي بشغلي .

-إذا الشخص ماعندو ثقة بنفسو مضطر تعمل هدول البوزات حتى الناس تحترمك وهاد غلط طبعاً 

الإستاذ الراحل عبد الرحمن آل رشي حكى كلمة قاسية مع حدا وقلي سمعي هالكلمات وحفظيهن الكبر ع أهل الكبر صدقة . 

-تواجهت من زمان مع إحدى الديفات من هالنجوم كان بالصحرا حطيت خط بالرمل خط وقلتلا الخط هاد مابتتعدي ووقتا خافت لأنو الجبان بخاف من يلي بوقفو عند حدو .

-أنا من لما تزوجت حياتي صارت لأولادي مو بس إلي والممثلة لي جواتي فاتت بغيبوبة وسكرت عليها الباب ورميتا لأنو عيلتي اولى .بعدين أعدت مع حالي أقول مالي البنات مالهم ذنب بعدين فهمت أنو في شي جواتي صحي الفنانة لي جواتي .. قلت للبنات ماما مشتاقة لشعورها القديم وتوقف قدام الكاميرا.

-ماعندي هوس بالسوشل ميديا و عاملة أون فولو للكل وحتى لبناتي والسبب اني عملت فولو لحدا وحسيت عم كذب ع حالي ونحرجت

و شكران نشالت مع الكل رغم أنو كان في موضوع بينا بسبب شب. نحن اليوم زملاء بس مو شرط نكون فولو لبعض

- مابقى اشتغل لامع سلاف ولا وائل لاني مابحب الأعمال يلي فيها قرار يكون في شي من القرابة

الله يسعدهن اليوم سلاف عندا ولاد كبار وأنا عندي ولاد ومابتمنى ولادي يقرأا كلمة مو حلوة عني 

إذا بشوفهن بمكان بسلم عادي بس مابشتغل معن لأنن ما تعاملوا بأمانة فنية.

-بخاف من البوتوكس مابحب بس ما رح اعمل عمليات وبوتوكس إلا إذا اتضطريت لدور وأنا هلا أدواري بتخدمني فيها تجاعيدي أنا بعمل أم بعتبرو تجربة حلوة وقفزة كبيرة دخولي بالنتفليكس.

-أنا كلي فخر إني مزيج من فلسطين والأردن والكويت وسوريا