من حوالي السنـة دخلت على الصيدلية سيدة كبيرة بالعمر و طلبت مني أعطيها سيتامـول سألتها إذا بتفضل نوع معين فكان جوابها ما بتفرق دكتورة  هاد كرمال اللحمـات مو إلي ..

للوهلة الأولى توقعت إني عم اسمع غلط عفواً خالة لمين الدوا 

اللحمات يا دكتورة و الله ما شكلك " سـت بيـت " شاطرة 

بعد الاستفسار طلعت الخالة بتستخدم الباراسيتامول بطبخ اللحم كرمال ينضج بشكل أسرع و ما ياخد وقت طويل على الغاز و على ما يبدو أنو هالطريقة مُستخدمة بشكل كبير من قبل كتير ناس وحتى بعض المطاعم الحقيقة من الصحيح أنه بسرع نضوج اللحم لأنه بسرع من تحول  الكولاجيــن إلى جيلاتيــن  يعني اللحم بصير طري و سهل المضغ لـكــــن تسخين الباراسيتامول بهي الطريقة رح يخليه يتحلل مائياً وينتج مركب يدعى رباعــي أمينوفينــول السام ويلي يمكن يسبب فشـلكلـوي و يأذي الكبـد عني كرمال فرق 10 دقائق على النار ممكن نأذي أنفسنا و يلي منحبهم و تتحول الطبخة لوجبـة سامـة الباراسيتامول دواء " مُسكــن للألــم " و ليس الشيــف بــوراك