العمل عن بعد.. أهم أربع وظائف في الويب

1. المصمم (Ui / Ux designer) :

الشخص يلي بيشتغل تصميم الصفحات على البرامج الغرافيكية متل فوتوشوب و اليستريتور و فيغما و Adobe Xd.

هاد الشخص ما بيكتب كود إطلاقاً هو بس مسؤول عن الشكل والتصميم لواجهة المستخدم ( UI ) وتجربة المستخدم ( UX ).

2. الفرونت ايند (Frontend developer) :

الشخص يلي بيحول التصميم لكود برمجي قابل للعمل على المتصفح. بحيث أنه مسؤول عن كل شي بيشوفو المستخدم وبيتعامل معو و هو في الموقع.

 اللغات الأساسية لهالوظيفة هي Html, Css, Js

بس الأساسيات غير كافية هون بيبدأ يتبحر بأطر العمل و المكتبات.

3. الباك ايند (Backend developer) :

الشخص المسؤول عن التعامل مع السيرفر و قواعد البيانات.

متل لما تسجل مستخدم جديد فالموقع محتاج مكان يخزن عليه هالمستخدم ليقدر يستخدم حسابو.

طبعاً هاد مثال بسيط جداً عن وظائف الباك ايند.

اللغات المستخدمة كتيرة بس بتتألف من وحدة من اللغات البرمجية التالية مع إطار العمل الخاص فيها :

               JS (Node), Php, Python, Java, C#

بالإضافة للغة منهن و إطار العمل الخاص فيها انت محتاج تتعلم التعامل مع قواعد البيانات.

4. السوبرمان (Full stack developer) :

الشخص يلي بيعمل 2. و 3. سوا 

أو بشكل أوضح يقوم بعملي الفرونت ايند والباك ايند معاً.

يُفضل قبل الدخول في أحد المجالات البرمجية السابقة (2 و 3 و 4) اطلاع المتعلم على أساسيات البرمجة و علوم الحاسوب و من أفضل الكورسات في هذا السياق هو كورس Cs50.