قصة طريفة 

واحدة كتبت :

 زوجي عصبي جداً 


ومن يدخل للبيت ينفضنا نفض 

من يوم نسمع صوت سيارته

 وأنا وعيالي ماخذين وضعية الإستعداد ..


اللي في يده جوال يخبيه اللي في يده أيباد يرميه

اللي بجنبه كتاب يجلس يقرأ فيه

واللي ماحوله شي يقعد يستغفر ويسبح


ما نبيه يهاوشنا

ومع ذلك إلا يّطلع سبب ينفضنا عشانه 


وجا ذاك اليوم اللي رحنا فيه للسوق 

وحنا راجعين قلت لزوجي نبغى خبز ولبن 


ويجي زوجي بيوقف السيارة قدام البقاله

 الا وتجي سيارة من ورانا وتسبقنا

 وتلبق في مكاننا 

وزوجي يعصب 

وينزل يخبط شنطة السياره 

ويقول اطلع من موقفي يا كلب 


وينزل منها شاب ويعتذر منه ويقوله

 معليش بطلع حسبتك ماراح تدخل 


وزوجي ينافخ ويزبد ويرعد ويقصف 

ويسب بأبشع السباب 


والرجال يقول: معليش غلطان وبطلع.


وزوجي مكمل صراخ

وتلاسنوا وتهاوشوا

 وزوجي يبي يضارب 

والرجال يتعوذ من شره ويقول له: 

يا رجال كفى الله المؤمنين القتال


وزوجي مكمل سب وشتم

 آخر شي قااام أبو عيالي و مد يده عليه


وقام الرجال بهدوء

وشال زوجي ورماه في الزبالة

 

وركب سيارته ومشى

 وزوجي يقوم يطل عليه من جوا الزبالة الكبيرة

 اللي بجنب المحل

 ويهاوش ويسوي حركات ويتفل ومكمل سب 


وانا أمسك راسي واغمض عيوني 


وينط من برميل الزبالة الكبير 

ويركب السيارة ولا قال ولا كلمة

 ونروح للبيت ماتشترينا الخبز واللبن

(كلن على همه سرى، وانا على همي سريت)


والحمد لله من ذاك اليوم 

ماعاد نفخ علينا وفقدنا صياحه

وصار زوج محترم 

تعرفون ليش؟!


عشان ما أعايره بذاك الموقف 


ومن هذا المنبر أحب أشكر الأخ

اللي رماه في برميل الزباله

واقول له : الله يجزاك خير ، 

أنت غيرت بحركة تستغرق دقيقة 

اللي ماقدرت أغيره في زوجي في١٦ سنة