التخلي شجاعة.


التخلي عن علاقة ما بيجي منها غير التعب والإنهاك، التخلي عن عمل ما بتلاقي راحتك فيه ومستهلك من طاقتك الكتير، عن محبّة استنفذت كل الحب الموجودة بقلبك هباء منثور ..


التخلي عن مكان بتلاقي أمانك فيه، بس طينة أرضو أبداً ما بتناسب أحلامك 


التخلي عن فكرة دافعت عنها كتير و اكتشفت إنها ما بتشبهك، عن حزن قديم مزروع جواتك، غيّرك كتير وكبّرك بس صار وقت يطلع منك

 

التخلي عن كتير أشياء ما اخدناها كمُسلّمات بحياتنا، بس وجودها هو اكبر عائق بوجه طريقنا وطموحنا


التخلي هو مهارة و مرحلة منوصل إلها بعد كتير خيبات ومعارك انتصرنا فيها او طلعنا منها مهزومين   


كل الاحترام للناس يلي اتخذوا قرار التخلي بكل قناعة بدون أي خوف أو تردد أو رجوع.


مَنْ تَرك مَلَك