معاملة أبي معي علمتني أن الثقة أهم شئ

 ٱتذكر مرة كنت لابسة قصير

بابا قال وقتها ما ٱريد ٱزعجك

بس ثقتي فيكِ ٱكبر من ٱني ٱتكلم معك علىٰ اللبس

فقلت ٱوكي بابا رايحة غير ثيابي

قال لي بالعكس طالعة حلوة .. ظل كلامه عالق ببالي

و مرة كان يرن موبايلي و كان فيه كلمة سر

و و لا حدا سألني عنها من ٱهلي ٱو حاول يفتحه

و مرة رن موبايلي رقم غريب و ٱنا مو منتبهه عليه

ٱجا بابا قال موبايلك يرن .. قلت مين قالي ما ٱعرف توقعت ٱن بس يشوف رقم غريب علىٰ موبايلي رح يرد من الفضول

بس لا رد و لا سألني حتىٰ مين بعد ما رديت

وقت ٱخدت البكالوريا

طبعاً ٱتىٰ ناس ٱقرباء علىٰ ٱساس يباركولي بالنجاح

بس من الغيرة و الحسد قالوا لبابا

هي ٱخدت البكالوريا .. خلص ما عدنا بنات تروح

علىٰ الجامعة و تنزع سمعة العائلة

ٱنا خفت ماذا سيفعل ٱبي .. بس قال لهم كلمتين

بنتي ستذهب للجامعة لإن ٱنا و الجامعة نتشرف فيها

و ٱنتم الي ما تشرفوا بيتي قوموا ٱطلعوا من بيتي

و لإول مرة بابا يطرد ٱحد من البيت

و مرة كنا قاعدين .. جمعة رفقات ٱهلي

رفيق بابا ما عنده بنات .. يسألو للبابا

يقوله يا ترىٰ كم تعبت و ركضت خلف بنتك لحتىٰ هي بهل التهذيب

وقتها لفت ٱنتباهي الحديث و ماذا سيكون جواب ٱبي

صرت ٱتطلع بلا ما يحس كان عيونه تلمع

قال .. بعمري ما فتشت وراها

ثقتي فيها هي يلي عملت منها البنت المهذبة الواثقة من حالها

تعلمت من ٱبي ٱن الثقة ٱهم من كلشي

رباني و علمني الصح و الغلط و تركني ٱطير بـ حرية

شكراً يا سندي .. معلمي الإول .. حبي الإبدي

دمت عزي و عزتي .. طاب بك العمر

و طبت لي عمراً جميلاً لا ينتهي